شركاء صدام لا أعداؤه

ما أدري ليش دائماً نذكّر الكويتيين (إحنة مو صدام) 
ترة الكويتيين يعرفون كلش زين إحنة مو صدام 
يعرفون صدّام آذى العراقيين عشرات أضعاف كم شهر احتلال وقع نتيجة (خصومة شركاء مو عداء) 
الكويت بحياتها ما كرهت صدام، بالعكس الكويت كانت ساحة للمخابرات الصدامية بالثمانينيات ومشغلة مخابراتها على المدنيين العراقيين الي يكرهون صدام 
وأول من موّل الحرب لزيادة حجم الدمار بالعراق هي الكويت وسخّرت ميناء العبدلي لنقل السلاح الغربي لتدمير البلدين والشعبين العراق أولاً حتى قبل إيران 
البلد الوحيد الي كان يعتقل المعارضة والمطلوبين ويسلمهم لصدام على درايتهم بمصير الإعدام الي ينتظرهم هي الكويت 
الكويت ما كانت محتاجة 52.4 مليار دولار تعويضات الحرب رغم أنها 8 أضعاف خسائرها 
بس كانوا يتلذذون إنهم يسحبوها من حليب أطفالنا ودواء مرضانا ويدرون صدام ما متأثر بل ملتهي يبني قصوره وينقش على كل طابوگة (ص ح) 
الكويت مشكلتها العراق والعراقيين مو صدام وجلاوزته الي كانوا شيء مؤقت استغلوه وانتهى وبقى حرصهم الأبدي على أذى العراق بكل السبل حتى لو بمسلسل 
مشكلتها إحنة وهذا بلدنا وواقعنا ومستقبلها 
صدقوني ماكو شيء يخلي الكويتيين ينتشون ويفرحون أكثر من صراخ العراقيين (إحنة مو صدام) 
هالشي يحسسهم بانتصارين: وصول رسالة الإهانة للعراقي وإيقافه ذليل متوسل.. 

الصورة للكويتية سعاد الصباح في لقاء صدام حسين 
على هامش مهرجان المربد للشعر بعد قصائدها في تمجيد حزب البعث العراقي والقيادة.